«Қарағанды Жарық» ЖШС 2025 жылғы 30 сәуірде Қарағанды жоғары политехникалық колледжі базасында өткен «Еңбек нарығының болашағы: жаңа мамандықтар бойынша мамандарды даярлау» тақырыбындағы сараптамалық сессияға қатысты. Компания атынан сөз сөйлеген тарату желілері қызметінің бастығы Константин Анатольевич Осипов энергетика саласындағы қазіргі заманғы сын-қатерлер мен болашақ мамандардың біліктілігіне қойылатын талаптар туралы өз пікірін білдірді.
Іс-шараның мақсаты – еңбек нарығының үнемі өзгеріп отыратын талаптары жағдайында техникалық және кәсіптік білім беру жүйесін жаңғырту бойынша бірлескен шешімдерді іздеу. Талқылауға жергілікті атқарушы органдардың, білім беру ұйымдарының және бизнес өкілдері қатысты.
