«Қазақстандық коммуналдық жүйелер» компаниялар тобына кіретін «Қарағанды Жарық» ЖШС мамандары электр жабдықтарына кешенді техникалық қызмет көрсету жұмыстарын жүргізуде. Мұндай жұмыстар электр желілері инфрақұрылымын тиісті техникалық жағдайда ұстауға, электрмен жабдықтаудың сенімділігін арттыруға және апаттық жағдайлардың туындау қаупін азайтуға мүмкіндік береді.
🔧 Бұл жолы жұмыстар №323 және №2345 трансформаторлық қосалқы станцияларда (ТП) жүргізілді.
Техникалық қызмет көрсету аясында келесі жұмыстар атқарылды:
• түйіспелі қосылыстарға тексеру жүргізіліп, тартылды;
• ПН-2 типті төмен кернеулі балқымалы сақтандырғыштар және ПКТ типті кварцты ток шектегіш сақтандырғыштар ауыстырылды;
• жабдықтардың техникалық жағдайы тексеріліп, қызмет көрсетілді;
• қабырғалар, төбелер және жабдықтар шаң-тозаңнан тазартылды;
• шиналар боялды;
• күштік трансформаторларға май толықтырылды;
• диспетчерлік атаулар жаңартылды.
Осындай жұмыстардың әрбір кезеңі электр желілері шаруашылығын жарамды күйде ұстауға және тұтынушыларды сенімді электрмен жабдықтауды қамтамасыз етуге бағытталған жүйелі жұмыстың бір бөлігі болып табылады.
